Têkildarî Komkujiya Enqereyê ya 10'ê Cotmehê, ji ber "bikaranîna gaza îsotê ya bêpîvan" û "negirtina tedbîrên têrker ên emniyetê" de lêpirsîn hatibû vekirin, lê hatibû betalkirin. Detayên vê lêpirsînê derketin holê. Di van detayan de tê dîtin, rayedarên emniyetê hev du sûcdar dikin û li hev mikur tên.

'ÇIMA NEHATIN GIRTIN?'

Li gorî nûçeya Evrenselê, di rapora îfadeyan de Amîrê Emniyetê A.A. dibêje; eger wê li berpirsyarekî bê gerîn, divê berê xwe bidin MÎT, artêş, Îstîxbarata Midûriyeta Giştî ya Emniyetê û Serokatiyên Daîreya Têkoşîna li dijî Terorê. A.A. dibêje, "Terorîstên teqîn pêka nîn, ji Sûriyeyê di ser Dîlok, Osmaniye, Edene û Aksarayê de hatine Enqereyê. Walîtiya Dîlokê, Serokatiya Herêma Dîlokê ya MÎT'ê, Fermandariya Jendermeyan a Bajarê Dîlokê û Midûriyeta Emniyetê ya Bajarê Dîlokê, dema terorîst li qada ew jê berpirsyar bûn, çima ew tespît nekirin û negirtin?"

A.A. di îfadeya xwe de her wiha pirsa "Dema di sînor re derbas bûn çima nehatin girtin?" dipirse.