Di 16’ê Adarê de li dijî endam û rêveberên Komeleya Çandê ya Pîr Sûltan Abdal (PSAKD) operasyonek hatibû kirin û di li vê derê 16 kes hatibûn girtin. Elewiyên ku li herêma Morbîhanê ya Fransayê dijîn nerazîbûn nîşanî vê girtinê dan. Endamên Komeleya Çandê ya Elewiyan a Morbîhanê diyar kirin ku ew ê li hemberî faşîzma AKP’ê teslîm nebin.

‘LI HEMBERÎ ZILMÊ EM Ê BI MAZLÛMAN RE BIN’

Endamên Komeleya Çandê ya Elewiyan a Morbîhanê di daxuyaniya xwe de diyar kirin ku faşîzma AKP’ê bi împaratoriya tirsê dixwaze li ser lingan bisekine û ew ê Elewiyên xwedî rûmet li hemberî vê împaratoriya tirsê teslîm nebin. Endamên Komeleya Çandê ya Elewiyan a Morbîhanê bal kişandin ser vî tiştî ku tu hinceteke hiqûqî tuneye ku endam û rêveberên Komeleya Çandê ya Pîr Sûltan Abdal (PSAKD) werin girtin û diyar kirin ku wan çawa ku heta niha li hemberî tu dîktatorî stûyê xwe xwar nekirine, ew ê li hemberî faşîzma AKP’ê jî stûyê xwe xwar nekin.