Ebadî: Hilbijartin wê neyê dubarekirin
Serokwezîrê Iraqê Haydar Ebadî diyar kir ku wî daxwaza jinûvekirina hilbijartinên giştî red kiriye.
Serokwezîrê Iraqê Haydar Ebadî diyar kir ku wî daxwaza jinûvekirina hilbijartinên giştî red kiriye.
Hilbijartina Iraqê, bi nîqaşên li ser dek û dolabên hatin gerandin û şewitîna depoya dengan bi gumanbarî di rojevê de ye.
Serokwezîrê Iraqê Haydar Ebadî li ser mijarê daxuyaniyek da çapemeniyê û got, "Hilbijartina giştî hate kirin. Êdî veger jê nîne." Ebadî diyar kir, erka hikumetê ya jî meclîsê nîne ku hilbijartinê betal bike û got, biryara betalkirinê ancax ji aliyê dadgeriyê ve bê girtin.
Haydar Ebadî da xuyakirin, ya ku divê li Iraqê bê kirin, avakirina hikumeta nû ye û xwest, di vê mijarê de gav werin avêtin.
Serokê Meclîsa Iraqê Selîm El Cûbûrî û Alîkarê Serokkomar Iyad Allavî piştî ku li depoya sindoqên dengan lê bûn şewat derket, bang kiribûn ku hilbijartin bê betalkirin û dengdan ji nû ve were kirin.
Serokwezîr Haydar Ebadî jî piştî lêpirsîna destpêkê gotibû, "depo bi zanebûn hatiye şewitandin."