Koordînasyona Ciwanên Azad daxuyaniyeke nivîskî weşand û bang li gelê Kurdistanê yê welatparêz û ciwanên kurd kir, ku tevlî meş û mîtînga li Dusseldorfê bibin.

Di daxuyaniyê de bal hat kişandin zext, zordarî, girtin û krîmînalîzekirina Kurdan li Elmanyayê û hat gotin, "Îro li Elmanyayê tiştên herî qirêj û namerdî li ser ciwanên Kurd tên ferzkirin. Dixwazin sîxurî, narkotîk û çetebûyînê bixin nava ciwanên Kurd. Bi kurtasî ji her alî ve êrîş tê kirin."

'CIWANÊN KURD BÊ ALTERNATÎF NÎNIN'

Koordînasyona Ciwanên Azad da xuyakirin, ku divê ciwanên Kurd bi kombûna li dora tevgera azadiyê, van zext û pêkanînan, van lîstikên qirêj pûç bikin û got, "Ew çiqasî zextê li me bikin, divê em xwe hîn mezintir bikin û bersivê bidin. Protestoya mezin a 9'ê Tîrmehê ya li Dusseldorfê wê bibe gava destpêkê ya vê yekê. Lewma divê her welatparêz û ciwanên Kurd bi rengekî herî xurt tevlî vê çalakiyê bibin. Pêwîste Elmanya vê bibîne ku ew çiqasî êrîş bike, wê ciwanên Kurd bêdeng nemînin û bêçare nîne. Ti êrîş nikare me, berevajî wê êrîş me mezin bike. Li hemberî her nêzîkatiya neyînî ya Elmanya û dewletên Ewropa ya li dijî Kurdan, mafê ciwanê Kurd e li her devera lê ye, helwestê nîşan bide."

Di daxuyaniyê de hat gotin, "Roj roja azadkirina Rêber Apo ye, roja dijderketina li êrîşên dewleta Elman e, roja pêşengiya ciwanan e" û ji heft heta heftê salî bang li her kesî hat kirin ku roja 9'ê Tîrmehê biherikin Dusseldorfê."

CIH Û DEMA BIRÊKETINA OTOBUSAN

ELMANYA

Heîlbronn: Navenda Civaka Demokratîk a Kurd (NCDK): 9'ê Tîrmehê, saet: 09:00
Berlîn: Residenzstr. 54 Berlin (NCDK/Komele): 8'ê Tîrmehê, saet: 23:00
Hannover: ZOB: 9'ê Tîrmehê, saet: 06:30
Nîenbûrg: Nîenbûrg Bahnhof: 9'ê Tîrmehê, saet: 05:30
Munster: HBF GL 14: 9'ê Tîrmehê, saet: 09:00
Freîbûrg: Bissierstr.: 9'ê Tîrmehê, saet: 00:00
Freîbûrg-Emmendîngen HBF: 9'ê Tîrmehê, saet: 00:15
Freîbûrg-Lahr HBF: 9'ê Tîrmehê, saet: 00:30
Russelsheîm HBF: 9'ê Tîrmehê, saet: 07:00
Kassel NCDK: 9'ê Tîrmehê, saet: 07:00
Bremen: Cinemaxx am Hbf ZOB: 9'ê Tîrmehê, saet: 06:30

FRANSA

Parîs/Villiers-le-Bel NCDK: 8'ê Tîrmehê saet: 23:30
Parîs/Drancy NCDK: 8'ê Tîrmehê, saet: 22:30
Parîs/Navend Place de la République: 8'ê Tîrmehê, saet: 22:30
Parîs/Villeneuve-Saint-Georges NCDK: 8'ê Tîrmehê, saet: 23:30
Parîs/Grigny NCDK: 8'ê Tîrmehê, saet: 22:30
Marseîlle NCDK: 8'ê Tîrmehê, saet: 21:00
Strasboûrg NCDK: 8'ê Tîrmehê, saet: 23:30

SWÎSRE

Zurîch: 9'ê Tîrmehê, saet: 01:00
Frîboûrg: Grand-Place: 8'ê Tîrmehê, saet: 21:00
Bern NCDK: 8'ê Tîrmehê, saet: 21:45
Bîel NCDK: 8'ê Tîrmehê, saet: 22:30