Di meşê de ku ji stasyona navendî ya Hamburgê dest pê kir dirûşmên "Kujer Erdogan", "Kujerê pitikan Erdogan", "Terorîst Tirkiye" hatin qîrîn.

Aktîvîsta mafên mirovan û nivîskar Anja Flach di destpêka meşê de axivî û got, li dijî êrîşên talan û dagirkeriyê wê her roj li qadan bin. Flach helwesta welatên ku li pêşberî êrîşan bêdeng in şermezar kir.

Sevahir Bayındır bi navê NCDK a Hamburgê axivî û destnîşan kir ku Efrîn wê li dagirkeran bibe goristan.

Bayındır diyar kir, Efrîn dilê Kurdistanê ye û ji bo xurtkirina piştevaniyê bang kir.

Şaredarê berê yê Depê Burhan Kocaman jî li vir axivî û girseya gel piştre heta Sternschanzeyê meşiya.

Piştre li HBF a Hamburgê çalakiya bê îteatiya sivîl hate kirin. Polîsan çend ciwanên Kurd di çalakiyê de binçav kirin.