Dîktator fermana 'Demîrtaş' da YSK'ê
Erdogan li xwe mikur hat ku derbarê namzetê serokkomariyê yê HDP'ê Selahattîn Demîtaş ferman daye YSK'ê.
Erdogan li xwe mikur hat ku derbarê namzetê serokkomariyê yê HDP'ê Selahattîn Demîtaş ferman daye YSK'ê.
Serokê Giştî yê AKP'ê û Serokkomarê Tirk Recep Tayyîp Erdogan di qanaleke televizyonê ya alîgirê xwe de êrîş bire ser namzetê Serokkomariyê yê HDP'ê Selahattîn Demîrtaş û li xwe mikur hat ku derbarê Demîrtaş ferman daya Desteya Bilind a Hilbijartinê (YKS).
Erdogan got, "Girtî jî be, kesê girtî nikare bibe namzet, divê nebe. Ji ber ku ev bibe rêyeke xwevedizînê. Em çima fersenda vî tiştî didin" û diyar kir ku li ser weşana hilbijartinê ya Demîrtaş a li girtîgehê talÎmat daye. Erdogan bi dewamî got, ji xwe weşan wê zindî neweşe û amaje pê kir ku wê were sansûrkirin.
Erdogan ev tişt gotin. "Bila bi YSK'ê re jî rûnin, biçin li girtîgehê weşanê bikin. Ji xwe ev ê ne bi weşana zindî be, piştre çi axivî be wê ev biweşe."