Li Şêxmeqsûd di encama pevçûnên  di navbera şervanê YPG’ê û leşkerên rêjîma Baas de 12 leşkerên rêjîmê hatin kuştin.

Navenda çapemeniyê ya Yekîneyên Parastina Gel (YPG) bi daxuyaniyekê diyar kir ku di pevçûnên li Şêxmeqsûd Şerqî û Xerbî de di nava şervanên wan û hêzên rêjîma Baas rû dan 12 leşkerên rêjîmê hatin kuştin.

Di daxuyaniyê de hate diyar kirin ku di pevçûnên ji duh ve di saetên êvarê de li herêma Mexselêt El-Cezîrê û devera El-Ewarêd rû dan. 12 leşker hatin kuştin û yek jî birîndar bû. Her wiha şervanên YPG’ê êrîşî erebeyek leşkerî ya BMB kirin û ew neçar man ku paş ve vebikêşin.

Di berdewama daxuyaniyê de hate destnîşan kirin ku şervanê YPG’ê îro bersiva êrîşa leşkerên rêjîma Baas a di devera El-Ewarid derketin. Di daxuyaniyê de hate gotin ku hêzên rêjîmê di êrîşê de çekên giran bikaranîbûn û şervanên YPG’ê bi Arbêjî li tangekê rêjîma Baas dan.

Di dawiya daxuyaniyê de hate gotin ku YPG’ê di parastina herêmên Kurdî de dewam bike û êrîşîn li dijî sivîlan bê bersiv nehêlin.