Siyasetmeder, rewşenbîr û entelektuelên cîhanê  di rojnameyên rojane yê Elmanyayê TAZ, Junge Welt û Neues Deutschland de îlan weşandin û ji bo Rêberê Gelê Kurd Abdullah Ocalan azadî xwestin.

Rojnameyên rojane yên Elmanyayê Tageszeîtung (TAZ), Junge Welt û Neues Deutschland di hejmara xwe ya de îlanek bi ser navê ‘Ji Ocalan re azadî’ weşandin.rojnameya Junge Welt di rûpela dawî ya rojnameyê seranser rupel ji îlanê re veqetand û kesên îmze avêtine îlanê re îmze avêtin metnek hevpar.  Rewşenbîr, fîlozor, siyasetmedar û aktîvîstên aştiyê di metnê daxwaza azadiya Ocalan kirin.

 Di îlanê de ji Îngîlîstan, Fransa, Elmanya, Îtalya, Ispanya, Danîmarka, Awûstûralya, Hîndistan, Efganîstan, Israîl, Vîetnam, Norveç, Belçîka, Kanada, DYA, Swîsre, Tirkiye, Başûrê Qibrisê, Başûrê Efrîkayê, Komara Domînîk, Venezuella, Ekvador, Fîlîpînî, Şîlî, Iraq, Herêma Federal a Kurdistanê, Herêma Bask û her çar parçeyên cîhanê siyasetmedar, senator, profesor, parêzer, parlamenter, nivîskar, wezîr û ronamegeran îmze avêtine.

Îlana bi ser navê Freîheît fur Ocalan (Ji Ocalan re azadî) hat weşandin de kesên bi navê Antonîa Negrî, lîderê tevgera siyasî ya Baskê Arnalda Otegî, Noam Chomsky, Immaunel Wallersteîn, Ela Gandhî, serokê hikûmeta Federal a Kurdistanê Neçîvan Barzanî îmze avêtin. Di îlana bi organîzasyona însiyatîfa navnetewî ya Aştiyê ya ji Ocalan Azadî ji Kurdistanê re Aştî, hat diyar kirin ku azadiya Ocalan di çareseriya pirsgirêka kurd de gelek girînge.

Di îlanê de hate destnîşan kirin ku  pirsgirêka kurd pirsgirêkeke sereke ya Rojhilata Navîne û got heta niha di vê dozê de 40 hezar kesî jiyana xwe ji dest daye û bi mîlyonan bûne penaber û wiha hate gotin: “ Di mînakên berê de Nelson Mandela, Gerry Adams, Josê Ramos-Horta û Aung San Suu Kyî jî pêvajoyên aştiyê pêş xistin. Bê guman Ocalan jî dikeve vê kategoriyê. Bandora Ocalan ya li ser pêvajoya leşkerî ya ku derbasî pêvajoya siyasî bûye gelek girînge.  Ocala rola xwe nekare li girtîgehê bilîze. Ji ber vê jî azadiya Ocalan ji bo çareseriyê gelek girînge.

JI HER ALIYÊ CÎHANÊ KESAN ÎMZE AVÊT

Kesên îmze avêtine wihane: Antonio Negri, David Graeber, Noam Chomsky, Immanuel Wallerstein, serokê hikûmeta Federal a Kurdistanê Neçirvan Barzani,  cigirê sekreterê giştî yê NY’ê Hans-Kristof von Sponeck, lîderê tevgera siyasî ya Baskê Arnaldo Otegi, neviyê Mahatma Gandhi,  Ela Gandhi, Prof. Norman Paech, serokê meclisa Korsika Dominique Bucchini, sekreterê gitşî yê rojnameya Liberation Maggie Bowden, parlamenterên Îrlandayê û Îngîlistanê, parlamenterê Ekvatorî Hilda Astudilla, parlamenterê Venezuellayî Jose Rafael Avila, nivîskarê DYA’yê Janet Biehl, senatorê Fransayê Michel Billout, Senatorê Şîliyê Alejandro Navvaro Brain, serokomarê Kibrisê Dimitris Hristofyas, senatorê Bolivyayê Efrain Condori Lopez, parlamenterê Porto Rica Jarge Enriuqe, sekreterê Başûrê Afrîkayê Sekreteri Gwede Mantashe, parêzerê Nelson Mandela Essa Moosa, parlamenterê Belçîkayê Patrick Moriau, nivîskarê Israîlê Akiva Orr, parlamenterê Arjantînê  Adela R. Segarra, aktîvîstê mafê mirovan yê Hîndistanê Binayak Sen, parlamenterê Vietnamî Le Minh Thank, serokê partiya çep ya Ewropayê Pierre Lauirent, Abdulla Peşêw, Vedat Turkali, hevseroka KCD’ê Aysel Tugluk, parlamentera Amedê Leyla Zana, serokê AABK’ê Turgut Oker, listikvan Karl Merkatz.