Li bajarê Elmanya Wûppertalê, li Mizgefta Ehmedê Xanî ya ser bi Civaka Îslamî ya Kurdistanê (CÎK) ve, bi wesîleya Qendîla Mîracê bi Kurdî dua hatin kirin, mewlûd hat xwendin û nimêj hat kirin.

Di şevê de Serokê CÎK'ê Hafiz Ahmet Tûrhalli, endamên şûra CÎK'ê, Hevseroka Navenda Civaka Demokratîk a Kurd li Wûppertalê Sevgî Bozkûrt û gelek kes amade bûn.

Mele Evdile li ser wateya rojê axivî, bal kişand ser komkujiyên li Bakurê Kurdistanê û got, "Em ji gelê xwe yên li Sûr, Silopiya, Cizîr, Hezex, Şirnex, Nisêbîn, Gever û tevahiya Kurdistanê re dibejin;  dibe Parlamenta Ewropa, Dadgeha Mafên Mirovan a Ewropa û hemû cihan bê deng bimînê, lê hûn ti carî dev ji berxwedana xwe berendin. Ji ber ku Xwedayê mezin we dibîne û wê zilmê jî qebûl neke." 

Hafiz Ahmet Tûrhalli jî da xuyakirin, ku divê li hemberî êrîşan ti Misilman bêdeng nemîne û got, "Misliman ti carî derewan nakin, zilmê jî nakin ji ber ku zilm û derew cihê xwe di îmanê de nîne. Eger em dibêjin 'em Misliman' in, divê em bêdengiya li hemberî vê zilmê qebûl nekin.