Li paytexta Rûsya Moskowayê, li hemberî êrîşên qirkirinê yên dewleta Tirk li bajarên Kurdan dike, Nûnertiya KNK'ê ya Rûsyayê konferanseke çapemeniyê organîze kir. Konferansê li salona konferansê ya Ajansa Nûçeyan a Rûs Rîa Novostî destpê kir. Di konferansê de wê mijara 'Pirsgirêka Kurd a li Tirkiyeyê (jenosîdên ji aliyê TC ve hatine kirin) û rola Kurdan a di çareseriya krîza li Rojhilata Navîn de' bê nîqaşkirin.

Nûnerê KNK'ê yê li Rûsyayê Selahattîn Soro, Hevserokê Kongreya Kurdên Êzidî li Rûsyayê Cemal Şemoyan, Hevserokê Yekîtiya Saziyên Civakî ya Kurdan a Navneteweyî Mehrab Şamoyev û Hevserokê Otonomiya Federal a Neteweyî û Çandî ya Kurdên li Rûsyayê Ferhat Patiyev weke qiseker li konferansê amade ne.

TÊKÇÛNA AKP'Ê Û KOMKUJIYÊN TÊN KIRIN WÊ WERIN NÎQAŞKIRIN

Tevî ajans û televîzyonên sereke yên Rûsyayê, gelek rojnamevan konferansê dişopînin.

Serenavên wê di konferansê de bên nîqaşkirin ev in:

- Binketina rêveberiya Tirk li pêşberî serketina HDP'ê ya di hilbijartinên 7'ê Hezîranê de

- Komkujiyên dewleta Tirk li Bakurê Kurdistanê li gelê sivîl dike

- Polîtîkayên hilweşîner û qetlîamker ên dewleta Tirk bi çi rengî dikarin bên sekinandin?

- Di bingeha krîza navbera Rûsya-Tirkiyeyê de çi heye?

- Kîjan hêz li pêşiya çareseriya krîza li Sûriyeyê asteng in?