Di rûniştina doza siyasetmedarên kurd a Erdîşê de 3 kes ji ber şertên tendûrîstiyê serbest hatin berdan.

Rûniştina doza siyasmetdarên kurd ên di 15'ê gulana 2012'an de li navçeya Erdîşê ya Wanê di operasyonên bi navê "KCK'ê" de hatin girtin a 13 kesan li 5'emîn Dadgeha Cezayên Giran a Wanê hate dîtin. Serokê Rêxistina BDP'ê yê Eganisê Nurî Tunç, Rêveberê BDP'ê yê berê Şevket Ulugana, Rêveberê KURDÎ-DER'ê Necmettîn Açik, Nûnerê MEYA-DER'ê yê Erdîşê Zekî Îşcan, Serokê Rêxistina BDP'ê yê Eganisê yê berê Mehmet Gurbuz, Serokê Rêxistina BDP'ê yê Erdîşê Mehmet Siddik Geçer, delegeyên KCD'ê Abdurrahman Çagan û Cevdet Avci, Rêveberê KURDÎ-DER'ê yê Erdîşê Omer Sayiner, Endamê Meclîsa Şaredariyê Mahmut Çelebî, Rêveberê Rêxistina BDP'ê yê berê Abdullah Akin, Bahattîn Gezer, Endama Meclîsa Şaredariya Bêgiriyê Songul Akbulut û parêzerên wan tevlî rûniştinê bûn. Gelek malbatan jî rûniştin şopand. Serokê Rêxistina BDP'ê yê Erdîşê Abîdîn Încî ji girtiyan re tercumanî kir.

Rûnşitina duh saet 09.00'ê dest pê kir heta saet 02.00'an berdewam kir. Heyet dadgehê piştî rûniştina 17 saetan berdewam kir şertên tendurîstiyê yên Abdurrahman Çagan, Mahmut Çelebî û Mehmet Siddik Geçer li ber çavan girtin û serbest berdan û rûniştin taloqî 9'ê tîrmehê hate kirin.

Xizmên girtiyan bertek nîşanî biryarê da û li ber edliyeyê sloganên "Zext me bêzar nakin" û "Bijî serok Apo" berz kirin.