Li Başûrê Kurdistanê ei encama raxistina mayînên reş de di 23 salan de bi hezaran sivîlî jiyana xwe ji dest da. Êrîş û şer bi dawî bibin jî li Kurdistanê mayînên reş  hêj dibe sedema jiyana hezarna kesî. Ji sala 1991’ê heta niha 14.500 kes bûne qurbanê mayînan.

Berpirsê Çapemeniyê ya Karê Mayînan a Hewlêrê Zebar Xalid da zanîn ku mayînên reş hê jî dibin sedema jiyana mirovan. Xalid ku ji Roj Newsê re axivî û wiha got: “ Ji sala 1991'ê heta îro li Herêma Başûrê Kurdistanê zêdetirî 14 hezar û 500 welatî ji ber teqîna mayin û teqemeniyan jiyana xwe ji dest dane.  8 hezar welatî jî seqet mane. " 

Zebar Xalid di berdewamiya axaftina xwe de wha got: “Heta niha zêdetirî 6 hezar welatiyên sivil di encama teqîna mayin û teqemeniyan de jiyana xwe ji dest dane.  Tenê îsal li parêzgeha Hewlêrê 2 kes ji ber mayînan jiyana xwe ji dest dane û 8 kes jî birîndar bune. Piraniya bûyerane jî li derdora qezaya Diyana pêk hatine.” 

Rejîma Seddam Hüseyin di şerê navbera Irak û Irane yê salen 80'an de bi milyonan mayin û teqemenî li ser sinor  raxistin. Heta niha bi hezaran welatiyên kurd ji ber wan mayin û teqemeniyan jiyana xwe ji dest dane û birîndar bune.  Her çendî ku hikûmeta Herêma Kurdistanê ji bo paqijkirin û rakirina mayînan bi milyonan dolar xerc kiriye jîî bi dehan zevî û navçe ji mayînan nehatine paqijkirin.