Rojnameya alman Der Tagesspîegel di nûçeya xwe de diyar kir ku vekişîna gerîlayên HPG’ê ya di 8’ê Gulanê de ji sînorê Tirkiyeyê aliyekê nû bi aştiyê daye qezenckirin û got: “Ji bo ku şîdeta piştî 1999’an pêk neyê divê Enqere baweriyê bide kurdan. Nezelalî û îfadeyên faşîzan yên Enqereyê dibe ku zirarê bide pêvajoya aştiyê.”

Rojnameya Der Tagesspîegel ya li navenda w êli Berlînê ye di hejmara xwe ya îro de vekişîna gerîlayên HPG’ê ya di 8’ê Gulanê dest pêkiriye û pêvajoya çareseriyê nirxand.

Nûçegîhanê rojnameyê Thomas Seîbert ku duh li Stenbolê dayikên ku zarokên wan çûn gerîla şopand nûçeyek nivîsî û balkişand ser pêvajoya çareseriyê û fikarên kurdan.

Di nûçeyê de hate diyarkirin ku di 8’ê Gulanê de vekişîna gerîlayan a devreyê sînor destpêkiriye û got vê pêşveçûnê aliyekê din li pêvajoya aştiyê daye qezenckirin û her wiha fikarên dayikên ku zarokên wan çûne gerîla jî cih girt.

Gotinên dayikên kurd yên wekê; Em ne bi Erdogan û Hikûmeta wî em bi Ocalan awerin û got: “ Kurd piştî şerê 30 salî dizanin ku aştî li ber derê ye. Lê naxwazin bên xapandin. Fikara wan a wek piştî salên 1999’î heye. Naxwazin careke din tiştekî wisa bijîn.

Her wiha balkişand ser mafên zimanê dayikê û da zanîn mafê herî rewa yên kurdane û got: “Li beramberê vekişîna gerîlayan nayê zanîn ku hikûmeta tirk çi pêngavê bavêje. Her wiha gotinên nîjadperest yên ji Enqereyê tên jî dibe ku zirarê bide pêvajoya aştiyê.