Hevserokê Giştî yê HDP'ê Selahattîn Demîrtaş ê dîl hatiye girtin, piştî 245 rojan wê tevlî rûniştina doza li Edliyeya Enqereyê bihata kirin. Lê belê ji ber ku qebûl nekiriye ku destên wî bi kelepçeyê bên girêdan, ew nanîn dadgehê.
Biryar hatibû dayin ku Hevserokê Giştî yê HDP'ê Selahattîn Demîrtaş, îro yekemcar bi rengekî fîzîkî tevlî rûniştina dozeke li hemberî xwe bê kirin.
Demîrtaş qebûl nekir ku destên wî bi kelepçeyê bên girêdan û ji ber vê yekê jî ew tevlî rûniştinê nehate kirin.
Demîrtaş wê piştî 245 rojên dîlgirtinê yekemcar li dadgehê amade bûya. Demîrtaş beriya niha bi rêya sîstema deng û dîmen (SEGBÎS) beşdarî dozên li dijî xwe hatibû vekirin bûbû û beriya niha bi demekê red kiribû ku bi SEGBÎS'ê tevlî bibe.
