Yekîtiya ji bo Demokrasiyê (DÎB), bi daxuyaniyeke nivîskî li ber êrişên nijadperestî rabû ku dema dawî zêde bûne.

DÎB'ê êrişên nijadperestî yên li Sakarya û Afyonê yên li dijî karkerên Kurd û êrişa nijadperestî ya li Samsûnê li dijî karkerê Sûriyeyî pêk hatibûn, bi bîr xist û êriş weke xelekek ji pêla qirkirinê nirxand.

Di daxuyaniyê de hate ragihandin ku rejîma AKP-MHP'ê bi daxuyanî û gefan bingehê ji êrişên nijadperestiyê amade dike û bang li hêzên demokrasiyê hemûyan hate kirin ku li dijî êrişên nijadperestiyê bibin yek.