Ciwanên Kurd ên li navçeya Yerşovê ya herêma Saratovê ya Rûsyayê li gundê Çîstî Plyosê tecrîda li ser Rêberê Gelê Kurd Abdullah Ocalan û qetlîama li Parîsê ya li dijî sê şoreşgerên jin ên Kurd şermezar kirin.

Ciwanan di civîna xwe de tecrîda li ser Rêberê Gelê Kurd Abdullah Ocalan şermezar kirin û diyar kirin ku 8 sal ji ser kuştina şoreşgerên jin ên Kurd Sakîne Cansiz, Fîdan Dogan û Leyla Şaylemez derbas bûye lê hê jî kujerên rastîn nehatine eşkerekirin.

Di civînê de endamên komîteya ciwanan a herêmê Hacî Yûsûbov û Ahmet Yûsûbov daxuyanî dan. Di daxuyaniyê de hate diyarkirin ku tecrîda ku dewleta Tirk a faşîst li ser Rêberê Gelê Kurd Abdullah Ocalan dike, dûrî mirovatiyê ye Ciwanan bal kişandin ser vî tiştî ku ew girtina nûnerên siyasî û çalakgerên gelê Kurd protesto dikin û li hemberî polîtîkaya înkar û îmhayê wê têkoşîna xwe bidomînin.