Meşa ku bi pêşengiya Tevgera Ciwanên Şoreşger û Navenda Çanda Kurdistanê dest pê kir wê sê rojan dewam bike.

Bi dehan ciwan bi dirûşma "Li dijî tecrîd, faşîzm û dagirkeriyê dem dema azadiyê ye" li bajarê Lavrîoyê li hev kom bûn û dest bi meşê kirin.

Bi sedan kesî jî piştgirî dan çalakiya ciwanan.

Ciwanan bi posterên Rêberê Gelê Kurd Abdullah Ocalan, alên PKK û KCK'ê û sirûdan dest bi meşê kirin û têkildarî komploya navneteweyî û êrişên dagirkeriyê yên dewleta Tirk belavok belav kirin.

Di çalakiyê de bi dirûşman komplo û tecrîd hate şermezarkirin û daxwaza azadiya Rêberê Gelê Kurd hate kirin.

Roja destpêkê ya meşê wê li bajarokê Marco Polo bi dawî bibe. Ciwan plan dikin ku 10'ê Cotmehê bigihêjin Atînayê û wê li meya Akademîayê bi beşdariya girseya gel ber bi Konsolosxaneya Tirk ve bimeşin.