Li navçeya Şemrex a Mêrdînê, ciwanên ku li Navenda Çandê ya Mehmed Uzun xebatên xwe yên hunerî dimeşînin ji bo piştgiriyê bidin Rojava kampanyaya dermanan dan destpêkirin.

Di çarçoveya kampanyayê de ciwan, li navçeyê yek bi yek li malan digerin û dermanan kom dikin. Xebatkarê Navenda Çandê ya Mehmed Uzun, Saygın Soysal diyar kir ku ji bo piştgiriyê bidin gelê Rojava kampanya dane destpêkirin û wiha got: "Pêwîstiyên gelê Rojava yên bingehîn û lezgîn derman in. Ji ber vê me jî kampanyayek bi vî rengî da destpêkirin." Soysal, bang li hemû kesî kir ku piştgiriyê bidin kampanyaya ji bo Rojava hatiye destpêkirin.