Civaka Îslamî ya Kurdistanê (CÎK) ji ber erdheja li Xarpêtê banga hevgirtinê kir û diyar kir ku divê gelê Kurd alîkariyê bide herêmên ku erdhejê lê xistine.

Di daxuyaniya CÎK’ê de ev hate diyarkirin:

“ Em ji bo gelê Bakurê Kurdistanê yên ku erdhej li bajarên wan çêbûne, sebr û deyaxê dixwazin. Kesên ku di erdhejê de mirine, em sebr û deyaxê ji malbata wan re dixwazin. Em hêvîdar in birîndar jî di nava demeke kurt de, pak bibin.

Em bang li gelê xwe û hemû bawermendan dikin. Di rewşên wisa de divê em alîkariya hev bikin. Li hemberî bobelatên bi vî rengî roj roja hevgirtinê ye.”