Boksorê Kurd ê ji Dersîmê dabû xuyakirin, ku ew ê hatineyê vê maçê bide malbatên Cizîr, Sûr û Geverî.

Li bajarê Elmanya Hambûrgê, pêşbirka şampiyoniya parzemînan a sikleta navîn hat lidarxistin. Di maça fînalê de Boksorê Kurd Îsmaîl Ozen hevrikê xwe têk bir û bû şampiyon.

Hevserokê Giştî yê HDP'ê Selahattîn Demîrtaş û gelek Kurdistaniyan li maça Ozen ê Dersîmî temaşe kirin. Şampiyonê Elmanya Ozen, li ber dirûşma "Bijî Serok Apo", "Bijî PKK" dest bi maçê kir, bi performanseke serketî hevrikê xwe têk bir û bû şampiyon.

Ozen di dema berxwedana Kobanê de tevlî nobeda berxwedanê ya li ser sînorê Kobanê-Pirsûsê bûbû û malzemeyên xwarinê yên ji 20 tonî li Kobanêyiyan belav kiribû. Her wiha dabû xuyakirin, ku ew ê beşeke mezin a hatineyên ji Şampiyoniya Ewropayê bi dest xistiye, bide zarokên Kobanê.

Ozen vê carê dabû xuyakirin ku ew ê hatineyên vê maça Şampiyoniya Parzemînan bide malbatên Cizîr, Sûr û Geverî.