Rojnamevan Serdar Karakoç ê bi salên dirêj ji bo kevneşpiya Çapemeniya Azad ked dide, 23’ê Gulanê bi daxwaza îadeyê ya Elmanyayê bi hinceta xala 129b li mala xwe ya li Hollandayê hatibû binçavkirin û paşê girtin. Karakoç ê 14’ê Hezîranê bi şert hate berdan, bi kefaleta 5 hezar euro hatibû berdan. Pasaporta Karakoç ê hefteyê rojek îmzeyê dide, hatibû desteserkirin.

Danişîna Serdar Karakoç wê 24’ê Tîrmehê di saet 13:00’an de bê dîtin. Di danişînê de wê biryar bê dayîn ku Karakoç radestî Elmanyayê were kirin yan ne.

Gelek siyasetmedar, rojnamevan û parêzvanên mafên mirovan beriya danişînê daxuyanî dan.

Di daxuyaniyê de wiha hate gotin: “Binçavkirin û girtina Rojnamevanê Kurd Serdar Karakoç li Hollandayê ku bi salane li wê derê dijî, me xemgîn kir. Me di wan rojan de bi daxuyaniyeke daxwaza azadiya wî kiribû. Daraza Hollandayê jî di 14’ê Hezîrana 2014’an de Serdar Karakoç bi kefaletê berdabû. Li gel ku ev gaveke erênî jî ye, ji ber ku pêvajoya darazê dewam dike fikarên me dewam dikin.”

Di berdewamiya daxuyaniyê de ev tişt hatin gotin: “Di danişîna Serdar Karakoç ku wê di 24’ê Tîrmeha 2024’an de bê dîtin, em ji daraza Hollandayê daxwaz dikin ku hemû astengiyên li pêşiya azadiya Rojnamevan Karakoç rake û şert û mercên berdewamkirina xebatên rojnamevaniyê bên peyda kirin.

Her çiqas daxwaza Elmanyayê weke hinceta sûcdarkirinên li ser Serdar Karakoç tê nîşandan jî, em dizanin ku li pişt vê rewşê encama zexta Tirkiye heye. Serdar Karakoç rojnamevanekî ku bi salan li Tirkiye rojnamevanî kiriye, di rojnameyên Kurdî de xebitiye û rêveberî kiriye. Ji ber ku derfeta wî ji bo xebatên rojnamevaniyê li Tirkiyeyê nema, daxwaza penaberiyê li Hollandayê kir û penaberiya wî hat qebûlkirin. Serdar Karakoç ê karê rojnamevaniyê li Ewropayê domand, bû parêzvanê azadiya gotinê û pîşeya xwe. Em şahidê rojnamevaniya Karakoç in. Em kesên li jêr îmzeya wan heye, daxwaza berdana Serdar Karakoç dikin.”

LÎSTEYA ÎMZEVANAN

Navê kesên îmzeyên wan di daxuyaniyê de hene wiha ne:

“Prof. Mîthat Sancar (Parlementer, hiqûqnas) Parêzer Eren Keskîn (Hevseroka ÎHD’ê), Joost Jongerden (Akademîsyen, Zanîngeha Wageningen), Şîvan Perwer (Hunermend), Can Dundar (Rojnamevan), Erdal Er (Rojnamevan), Pinar Selek (Civaknas, nivîskar), Osman Baydemîr (Parêzvanê Mafên Mirovan), Prof Cengîz Aktar (Zanîngeha Atîna), Prof Neşe Ozgen (Zanîngeha Osnabruck, Germany), Hayko Bagdat (Nivîskar), Frederike Geerdink (Rojnamevan), Prof. Dr. Kenan Engin (Akademîsyen, Zanîngeha Berlin), Murat Çakir (Nivîskar), Hatîp Dîcle (Siyasetmedar), Firat Anli (Hevserokê Şaredariya Bajarê Mezin a Amedê yê berê), Ertugrul Kurkçu (Hevserokê Rûmetê ya HDP’ê), Ahmet Kahraman (Nivîskar), Ergun Babacan (Rojnamevan), Ferda Çetîn (Rojnamevan), Ozlem Alev Demîrel (Parlementerê Partiya Çep a Elmanyayê, Parlementiya Ewropa), Ragip Zarakolu (Rojnamevan), Atîla Keskîn (Nivîskar) Amed Dîcle (Rojnamevan), Îlhamî Erdogan (Karîkaturîst), Akin Olgun (Nivîskar), Bedîa Ozgokçe (Hevseroka Şaredariya Bajarê Mezin a Wanê ya berê), Cafer Tar (Nivîskar), Yucel Ozdemîr (Nûnerê Ewropayê yê Rojnamevanên Gerdûnî), Parêzer Dunya Dogan (Hiqûqnas), Îsmaîl Ozen (Werzîşvan), Ertugrul Mavîoglu (Rojnamevan), Dogan Ozgunden (Rojnamevan-Nivîskar), Încî Tugsavul (Rojnamevan), Kurdo Baksî (Rojnamevan), Ayhan Işik (Akademîsyen-Hollanda), Alî Çatakçin (Nivîskar), Îrfan Aktan (Rojnamevan), Memo Şahîn (Nivîskar), Kenan Gungor (Civaknas), Gulten Aydin (Civaknas), Nevra Akdemîr (Akademîsyen), Adîl Yîgît (Posteya Ewropa GYY), Dr. Kerîm Has (Akademîsyen), Fuat Kav (Nivîskar), Ziya Pîr (Parlementerê HDP’ê yê berê), Serîp Ateş (Civaknas, Aktivîst), Doç. Dr. Nazan Ustundag (Akademîsyen), Parêzer Serhat Bucak (Nivîskar), Dr. Latîfe Akyuz (Akademîsyen), Abdullah Demîrbas (Siyasetmedar), Parêzer Hasîp Kaplan (Parlementerê berê), Tuncay Yılmaz (Serokê Giştî yê SYKP), Îrfan Cure (Rojnamevan), Suat Bozkuş (Nivîskar), Arîs Nalci (Rojnamevan), Îsmet Kayhan (Rojnamevan), Parêzer Ozturk Turkdogan (Hevserokê Komeleya Mafên Mirovan ê berê), Veysî Sarisozen (Nivîskar), Nursel Aydogan (Parlementera berê), Selahattîn Soro (Nivîskar), Alî Baran (Hunermend), Afat Baz (Rojnamevan), Tuncay Dogan (Rojnamevan), Gunay Aslan (Rojnamevan), Îbrahîm Çîçek (Rojnamevan), Adem Karaçoba (Rojnamevan), Mahîr Uzmez (Rojnamevan), Sîbel Yîgîtalp (Parlementerê HDP’ê yê berê), Asli Erdogan (Nivîskar), Selîm Sadik (Parlementerê berê), Yurdusev Ozsokmenler (Şaredara Baglarê ya berê), Pero Dundar (Parlementerê HDP’ê yê berê), Serpîl Kemalbay (Parlementera HDP’ê ya berê) Musa Farîsoglu (Parlementerê HDP’ê yê berê), Faysal Sariyildiz (Parlementerê HDP’ê yê berê), Feleknaz Uca (Parlementera HDP’ê ya berê), Mehmet Emîn Adiyaman (Parlementerê HDP’ê yê berê), Saadet Becerîklî (Parlementera Êlîhê ya berê), Tuba Hezer (Parlementera HDP’ê ya berê), Lezgîn Botan (Parlementerê HDP’ê yê berê), Fehîm Işik (Rojnamevan), Selma Irmak (Parlementera HDP’ê ya berê), Ayşe Acar Başaran (Parlementera HDP’ê ya berê), Filîz Koçali (Rojnamevan), Besîme Konca (Parlementera HDP’ê ya berê), Leyla Îmret (Nûnera DEM Partî ya Elmanyayê), Dîlan Dîrayet Taşdemîr (Parlementera HDP’ê ya berê, Fetma Kurtulan (Parlementera HDP’ê ya berê), Nîhat Akdogan (Parlementerê HDP’ê yê berê), Demîr Çelîk (Hevserokê FEDA), Kemal Aktaş (Parlementerê berê), Remziye Tosun (Parlementerê HDP’ê ya berê), Dilek Ocalan (Parlementera HDP’ê ya berê), Husamettîn Zenderlîoglu (Parlementerê HDP’ê yê berê), Ferhat Encu (Parlementerê HDP’ê yê berê).”