Reutersê diyar kir, li gorî 'çavkaniyên cuda yên mûxalîf' bi sedan çete tevî çek û cebilxaneyan ji bo li dijî YPG'ê şer bikin derbasî navçeya Ezaz a ser bi wîlayeta Helebê bûne.

Li gorî nûçeya Reutersê, 'fermandarekî' Eniya Levant a deriyê sînor ê Bab el Selam (navê deriyê sînor ê li pêşberî Oncupinarê yê Kîlîsê ye) Ebû Îsa got, "Destûr ji me re hat dayîn ku bi çekên sivik, hawan, fuze û tankan em derbas bibin."

MALA ÇAVDÊRIYÊ JÎ PIŞTRAST KIR

Li gorî nûçeyê, saziya bi navê Mala Çavdêriya Mafên Mirovan a Sûriyeyê, ku naveda wê li Londonê ye, derbasbûna çeteyan li ser Tirkiyeyê piştast kir.