Girtiyên ku rojiya mirinê û greva birçîbûnê bi ser xistin, beşek ji wan rakirin nexweşxaneyan. Li hin bajaran girtî hîn jî nebirine nexweşxaneyan, li hin deveran jî di dema veguhastina nexweşxaneyê de li girtiyan xistin.

WAN: Li Wanê ji 17 girtiyên ketin greva birçîbûnê û rojiya mirinê 5 kes bi ambûlansê rakirin Nexweşxaneya Lêkolîn û Perwerdeyê ya Wanê û Navenda Tipê ya Dûrsûn Odabaşi ya Yuzuncu Yilê. berxwedêrên rakirin Navenda Tipê ya Dûrsûn Odabaşi diyar kirin ku şert û mercên nexweşxaneyê nebaş in, lewma tedawî qebûl nekirin û ew vegerandin girtîgehê. Tedawiya 4 girtiyên li Nexweşxaneya Lêkolîn û Perwerdeyê didome.

STENBOL: Girtiyên li Girtîgeha Girtî ya Jinan Tîpa L a Bakirkoyê, sewqî nexweşxaneyê nehatin kirin. Parlamenterên HDP'ê li girtîgehan digerin û li ser rewşa girtiyan agahiyan werdigirin.

AMED: Hevseroka KCD'ê û Parlamentera HDP'ê Leyla Guven tevî berxwedêrên din parlamenter Dersim Dag, Tayîp Temel û Mûrat Sarisaç li gel berxwedêran rakirin nexweşxaneyan. Ji Mêrdînê Gûrbet Ektîren, Mahsûn Şen, Mûrat Aksîn, Halef Yîgît û Ahmet Ongun, ji Êlihê Sedat Akin, ji Rihayê Husnu Kilinç û Hedle Ogûr bi ambûlansê rakirin nexweşxaneyên taybet ên li bajêr û tedawiya wan didome. Ji 221 girtiyên li Girtîgeha Girtî ya Tîpa D a Amedê ku 5 jê di rojiya mirinê de bûn heta niha tenê 21 kes rakirin Nexweşxaneya Lêkolîn û Perwerdeyê ya Gazî Yaşargîl.

ÊLIH: Li Girtîgeha Girtî Tîpa M a Êlihê 32 girtiyên ji 23'ê Adarê ve di greva birçîbûnê de bûn, tevî ku ragihandin ku dawî li çalakiya xwe anîne nayên dermankirin. Girtiyan ji bo dermankirinê daxwazname dan rêveberiya girtîgehê, lê heta niha daxwaza wan nehatiye qebûlkirin.

ENQERE: HatE diyarkirin ku muayena 4 girtiyên li Girtîgeha Sergirtî ya Jinan a Sîncanê di greva birçîbûnê debû ya li Nexweşxaneya Kampusa Girtîgeha Sîncanê dewam dikin. Li gorî agahiyên Maseya Krîzê ya Navendî ya ji aliyê TTB, SES, TÎHV û ÎHD’ê ve hat avakirin, Suheyla Taş, Salîha Taşkesen, Zelîha Ûstabaş û girtiyekê ku navê wê nehat zanîn ên ji 26’ê Kanûnê ve di greva birçîbûnê de bûn, li Nexweşxaneya Kampusa Girtîgeha Sîncanê hatine muayene kirin û dûr paşve şandine girtîgehê. Hat dest nîşan kirin ku girtî dê îro jî ji bo kontrole sewqî nexweşxanê bikin. 5 girtiyên li girtîgeha Çankirı û 3 girtiyên li Girtîgeha Amasya jî sewqî nexweşxanê hatin kirin û hatin muayene kirin.

ÇANKIRI: 5 girtiyên li Girtîgeha Çankiri û 3 girtiyên li Girtîgeha Amasyayê yên dawî li greva birçîbûnê anîn, sewqî nexweşxaneyê hatin kirin.

KOCAELÎ: Li Girtîgeha Kandirayê Parlamenterên berê yên HDP'ê Selma Irmak û Sebahat Tûncel tevî 18 çalakgerên greva birçîbûnê sewqî Nexweşxaneya Dewletê ya Seka ya Kocaeliyê hatin kirin.

RIHA: Li Girtîgeha Tîpa T a Rihayê 12 kesên di greva birçîbûnê de bûn sewqî Nexweşxaneya Lêkolîn û Perwerdeyê ya Rihayê hatin kirin. Li Girtîgeha Tîpa T a Sîverek jî, 6 girtî yên ji 5’ê Çile ve di greva birçîbûnê de bûn, rakirin Nexweşxaneya Dewletê ya Sîweregê û dest bi dermankirina wan hat kirin. Navê kesên dermankirina wan hat destpêkirin wihane: Sunay Yaman, Sozdar Çîçek, Ayten Tîkît û Serhat Yilmaz. Li aliyê din, parêzerên endamên Komîsyona Girtîgehan a ÎHD’ê, diyar kirin ku li Girtîgeha Tîpa T a Sîweregê 26 girtî di greva birçîbûnê de bûn û dest pê kê 6 girtiyên rewşa wan krîtîk rakirine nexweşxaneyê. Li bendêye ku îro hemû girtiyan sewqî nexweşxaneyê bikin.

ŞIRNEX: Li Girtîgeha Tîpa T a Şirnexê jî, 22 girtiyên di dîrokên cuda de dest bi greva birçîbûnê kiribûn, di saetên şevê de sewqî Nexweşxaneya Dewletê ya Şirnexê hatin kirin. Parlementera HDP’ê ya Şirnexê Nûran Îmîr û komek ji Şaxa SES’ê ya Şirnexê pêk tê, di seatên şevê de hevîtin bi bijîşkên girtî kontrol kirin re hevdîtin kirin. Îmîr a piştî hevdîtinê, diyar kir ku rîska jiyanê ya girtyan tuneye û ewê li gorî kilavuza TTB’ê amade kirî tevbigerin. Girtiyên di kontrolê re derbas bûn, di derengiya şevê de ji nexweşxanê hatin derxistin û cardin şandin girtîgehê.