Berxwedana gelê Efrînê ya li dijî dagirkeran di roja 32'an de ye. Hêzên Tirk ên dagirker duh bombe li gelek cihên sivîlan barandin. Duh bi şev li gelek herêmên Efrînê şer qewimî. Rewşa dawî ya li Efrînê hûn dikarin bi rêya bloga me ya zindî bişopînin.
Neteweyên Yekbûyî (NY), bang kir ku divê dewleta Tirk êrîşên xwe yên dagirkirina li ser Efrînê bide rawestandin.
21:39Helîkopterên artêşa Tirk a dagirker gundê Enqela ya Şiyê û derdorî wê dan ber topan.
19:53Bi sedan kesên ji Helebê ji bo piştgiriyê bidin Berxwedana Serdemê ya Efrînê, navçeya Meydankê ziyaret kirin û li dijî êrîşên dewleta Tirk a dagirker meşiyan.
19:52
Nûnerê Karê Derve yê TEV DEM’ê Salih Muslîm ê li Meclîsa Federal a Elmanyayê bi koma Partiya Çep re hate ba hev, berxwedana gelê Efrînê ya li dijî êrîşên dewleta Tirk a dagirker ya li ser Efrînê vegot.
18:51Artêşa Tirk a dagirker bi bejahî û hewayî êrîşî hêzên artêşa Sûriyeyê kir. Di encama êrîşê de li gorî agahiyên destpêkê ji artêşa Sûriyeyê 2 kes mirin û 3 kes jî bibîrandar bûn.
17:57
Koma destpêkê ya Yekîneyên Parastina Gel a girêdayî artêşa Sûriyeyê derbasî Efrînê bû.
17:25
Di demeke rejîma Sûriye xwe amade dike ji b li dijî êrîşên artêşa Tirk a dagirker hêzên xwe bişîne Efrînê, Rûsya daxuyaniyek nû da.
16:55
Yekîneyên Parastina Gel yên girêdayî artêşa Sûriyeyê derbasî Efrînê dibin.
16:54
Artêşa Tirk a dagirker ji bo veşartina windayên xwe yên li dijî Berxwedana Serdemê nexweşxaneyên Dîlok, Kîlîs û Hatayê ji bo sivîlan girt.
15:24
14:54
Gelê Heleb û Efrînê berê xwe da Şera
Gelek welatiyên sivîl ên duh ji Helebê hatin, danê vê sibehê li navçeya Meydankê li hev civiyan. Helebiyan piştgirî dan berxwedana Efrînê û li vê derê tevî gelek kesên ew pêşwazî kir berê xwe dan navçeya Şera.
Tê payin ku gel li Şeranê serdana eniyên berxwedanê bike.
Li Şerayê, êrîşên dagirkeriyê, şer û bomberdûman van du rojên dawî giran bûne.
13:52
13:30
13:20
Gelê Helebê: Em ê rê nedin Erdogan
Bi hezaran Kurd, Ereb, Çerkez û mirovên ji gelên cuda yên duh ji Helebê bi rê ketin û hatin Efrînê, nerazîbûn nîşanî dewleta Tirk a dagirker dan û gotin, "Em ê rê nedin dagirkeriyê."
12:34
12:16
Li herêma Şerayê tankek hate rûxandin, 20 leşker û çete hatin kuştin
Li gorî agahiyên ji herêmê hatin girtin, şervanên Hêzên Sûriyeya Demokratîk (QSD) li derdora gundê Dêriswanê yê navçeya Şerayê derbeke giran li hêzên artêşa Tirk a dagirker xistin.
Li vê derê tankeke artêşa Tirk hate rûxandin, derb li du wesayitên zirxî yên bi tîpa BMB hate xistin û zêdeyî 20 leşker û çeteyên Tirk hatin kuştin.
Şerê giran ê li herêmê dewam dike.
11:47
11:32
Li pênc eniyên Efrînê şerekî dijwar diqewime
Li bejahiya navçeyên Bilbilê, Şera, Mabeta, Raco û Şiyê danê vê sibehê şer û bomberdûmaneke dijwar dest pê kir. Şerê li herêmê dewam dike.
BILBILÊ
Balafirên şer ên artêşa Tirk a dagirker bombe ji gundên Uka Qestelê, Çulaqa Xidriya û Şerqiya heta gundê Baxçe bombe li herêmê dibarînin.
ŞERA
Li gundên Îkidamê, girê Şîmşek, Arabê Wêranê û Dirswanê danê sibehê saet 5'an şerekî dijwar dest pê kir. Balafirên şer jî bombe li hin deveran barandin.
RACO
Li seranserê xeta sînor şer diqewime. Artêşa Tirk a dagirker bi balafirên şer û topan, herêmê bomberdûman dikin.
ŞIYÊ
Danê sibehê saet 5'an li derdora gundê Hêkçê bomberdûman hate kriin. Şerê li vê herêmê dewam dike.
Şerê li derdora navçeyên Şera, Bilbilê, Raco, Mabeta û Şiyê bi dijwarî dewam dike.
11:18
11:18
11:17
