Walîtiya Colemêrgê li navenda bajêr, Çelê, Şemzînan û Geverê 30 herêm ‘qada taybet a ewlekariyê’ îlan kir. Li gorî daxuyaniya walîtiyê ev herêm ji 24’ê Nîsanê heta 8’ê Gulanê ew ê qedexe bin.

Walîtiyê çalakiyên PKK’ê kir hinceta vê biryara xwe û got, “Ji ber van çalakiyan hemwelatiyê me ji mafên xwe yên aborî, civakî û gerê mehrûm dimînin.”

Di daxuyaniyê de nehate diyarkirin ku li van herêmên ku ji sivîlan re hatine girtin ew ê di warê aborî  û civakî de çi bên kirin û ew ê gel li van herêman mafê xwe yê gerê çawa bi kar bînin.