Hasan Atasever ku li Sarizê ya Qeyserî 1936’an hatî dinê û Kurd-Elewî ye, di 30 saliya xwe de tê Elmanyayê. Ataser ku 3 salan li bajarên cuda dimîne, 1976’an tê Kolnê. Atasever ev 42 sal in li Kolnê dijî, bi salan e ji bo têkoşîna azadiya Kurd têdikoşe. Lê kes jê ra nabêjin Hasan Atasever, dibêjinê, ‘’Apê Şekir’’.

Atasever ku berê şekir dida zarokan, niha şekir dide mezinn û biçûkan. ‘Apê Şekir’ xwedî çenteyekî reş e û kî bixwaze şekir dide wan. ‘Apê Şekir’ ku beşek ji meaşê xwe yê malnişînê dide şekir, vê bi kêfxweşî dike. ‘Apê Şekir’ îro endamê NCKD’yê ye û yek ji kedkarê çalak e.

DEMA WÊ HATIYE KU JI REJÎMA ZORDAR RIZGAR BIBIN

‘Apê Şekir’ piştî ku biryara hilbijartina 24’ê Hezîranê hate standin ev 2 meh in, mal bi mal digere û ji bo HDP’ê, Demîrtaş xebatan dike. Ji 7’ê Hezîranê ve ji hêlekê alîkariyê die mirovên ku têne navenda dengdanê û her wiha hewl dide ku mirovan bişîne ser sendoqê.

Ataserver dibêje Erdogan û AKP ev 16 sal bûne bela serê her kesî û got ji bo ku ji vê belayê xilas bibin divê her kes biçe ser sendoqê, ji bo HDP’ê û Demîrtaş banga dengdanê dike. Atasever diyar dike ku AKP ev 16s sal in xwîna gel dimije û dema wê ye ku ji vê rejîma zordar û darbekar xilas bibin.

 ‘HER KES DIVÊ DENG BIDE’

Atasever banga li Kurdistanî û Tirkiyeyî li Ewropayê kir û got, ‘’Çi kesê ku dibêje, ez mirov im, bi ser rastiya xwe ve me û ji bo xwe û siberoja xwe bil ali dijî zilmê dengê xwe bide HDP’ê û Demîrtaş.

Êdî dema şiyarbûnê ye. Her kes bila şiyar bibe. Hêviya me ji mirovên me yên Ewropayê ew e ku biçin konsolosxaneyên nêzî xwe û dengê xwe bidin. Van 5 rojên dawî beriya ku bi derengî  bikeve bila her kes biçe ser sendoqan.’’