Bi pêşengiya şaredariya Nisêbînê kampanyaya ku ji bo Rojava hatibû destpêkirin, li navçeyê bi piştgiriya saziyên civakî berdewam dike. Di çarçoveya kampanyayê de alîkariya ku ji Colemêrg, Cizîr, Manîsa û Stenbolê tên û li Navenda Çanda Mîtaniya Nisêbînê ku tên komgirtin, ji bo bigîhîje bajarê Qamişlo di Deriyê Sînor ê Nîsêbînê hat şandin.

Amûrên ku ji ard, birinc, pêwîstiyên zarokan û potên zarokan û şekir pêk tên bi giştî 150 ton li 9 kamyon û TIR'ekê hat barkirin û ji bo biqîje gelê Rojava birê ket.

Beriya ku wesayit bi rê bikevin rêveberê ÎHD'a Colemêrgê Cemal Sezgîn diyar kir ku bi taybetî jin û gelê Colemêrgê ji bo piştgiriyê bidin gelê Rojava seferber bûne û wiha axivî:

"Me di alîkariyê de bi taybetî girîngiyê da hewcedariyê jinan û zarokan. Em ji jinên Colemêrg û gel re spasiyên xwe dikin ji ber ku alîkariyê dane."

Piştî Sezgîn xebatkarê Şaredariya Cîzrê Dijwar Dîrekçî axifî û anî ziman ku li Cîzrê amûrên ku hatine komkirin bi 5 kamyonan şiyandine Nisêbînê û da zanîn ku ew ê ji bo gelê Rojava dê hertim di nava piştgiriyê de bin.

Piştî Dîrekçî Alîkarê Şaredariya Nisêbînê Ahmet Dînç ji ber alîkariya ku ji Rojavara hatiye dayin spasiya xwe kir û daxwaz kir ku amûrên ku hatine totkirin divê roja çarşemê bigihîje Nisêbînê.
Li Cîzreya Şirnexê jî kampanyaya ku ji bo Rojava hatibû destpêkirin berdewam dike û di çarçoveya kampanyayê de dinava çend hefteyan de bi dehang kamyon amûrên jiyanê û xûrek hatin komkirin.

Bi hewildanên BDP'a Cîzrê û nûnerên saziyên sivîl amûrên ku hatin topkirin di enbara şaredariya Cîzreyê de ji bo di demên pêş de bê şandin hatiye seknanadin.