Akademîsyen wê ji bo Rojava konferanseke çapemeniyê pêk bînin

Li Elmanyayê gelek akademîsyen, zanyar, siyasetmedar wê li dijî dagirkeriya dewleta Tirk a li Bakur û Rojhilatê Sûriyeyê îro civîneke çapemeniyê pêk bînin.

Tevî Prof. Dr. Norman Peach, Seroka Forûma Sivîl a Yekîtiya Ewropa-Tirkiyeyê (EUTCC) Karîane Westrheîm, Dr. Dersim Dagdevîren û Parlamentera Partiya Çep a Elman (Dîe Lînke) a Meclîsa Federal Gokay Akbûlût wê gelek kesayet tevlî civîna çapemeniyê bibin.

Konferansa Çapemeniyê ya "Zanyar-Akademîsyen li dijî şerê li Bakurê Sûriyeyê/Rojava ne" wê li navnîşana Haûs der Bûndespressekonferenz-Raûm 1, Schîffbaûerdamm 40 / Ecke, Reînhardtstr. 55, 10117 Berlînê pêk were. Civîna çapemeniyê wê saet di navbera 09:30 û 10:30 de pêk bê.

Di civîna çapemeniyê de wê bi taybetî dramên ji ber dagirkeriya Tirkiyeyê rû dan û wezîfeyên civaka navneteweyî bên bibîrxistin.