Îdianameya derbarê hevserokên HDP’î yên Îzmîrê yên berê hatibû amadekirin û ji hêla du dadgehan ve hatiye redkirin, ji hêla îstînafê ve ji Dadgeha 13’emîn a Îzmîrê re hate şandin. Danişîna ewil dê di 4’ê cotmehê de bê lidarxistin.
Hevserokên Partiya Demokratîk a Gelan (HDP) yên Îzmîrê Berna Çelîk û Çinar Altan di 6’ê cotmeha 2023’yan de hatin binçavkirin û piştre hatin girtin. Îdianameya derbarê hevserokên de hatiye amadekirin ji Dadgeha 13’emîn a Cezayê Giran re hate şandin. Dosyeya berî niha ji hêla 13’emîn Dadgeha Cezayê Giran a Îzmîrê û 2’yemîn Dadgeha Cezayê Giran a Îzmîrê ve bi sedema “bêrayetiyê” hatiye redkirin, ji hêla Dadgeha Edliyeyê ya Herêma Îzmîrê ve ji Dadgeha 13’emîn a Cezayê Giran a Îzmîrê re hate şandin.
Ji bo dîroka danişîna hevserokên bi îdiaya “Endamtiya rêxistinê”, “Fînansekirina rêxistinê” tên darizandinê 4’ê cotmehê hate diyarkirin û biryara domandina girtina wan hate dayîn.
