Çeteyên li Îdlîbê: Erdogan em firot
Çeteyên Tirkiyeyê yên li Îdlîbê dest bi mikurhatinên ‘Erdogan em firotin’ kirin.
Çeteyên Tirkiyeyê yên li Îdlîbê dest bi mikurhatinên ‘Erdogan em firotin’ kirin.
Bi belgeyan derketibû holê ku çeteyên DAÎŞ û Nûsrayê yên ku di şerê navxweyî yên Sûriyeyê de cih girtibûn, gelek ji wan girêdayî Tirkiyeyê bûne û ji bo perwerdekirin, lojîstik, cebilxaneyan jî Riha, Dîlok û Hatay di serî de, li gelek bajaran mane. Belgeyên derbarê çeteyan hatibûn desteserkirin û mikurhatinên wan ev tişt diyar kiribû.
Bi peymana di navbera Tirkiye û Rûsyayê re, operasyona li ser çeteyên li Îdlîbê rê li ber vî tiştî vekir ku çete gazî hevalbendên xwe bikin. Çeteyan dest bi têkiliyên xwe yên bi Tirkiyeyê re kirin û li xwe mikur hatin.
‘ERDOGAN BI PEREYAN EM XAPAND’
Di qeydeke deng de ya ku tê texmînkirin ev çete li Îdlîbê ye, têkiliya Erdogan a bi çeteyan re tê diyarkirin.
Di qeyda deng de ev tişt tê gotin: “Li Hama, Humus, Xûta, Helebê Erdogan bi hinek pere, goşt û mirîşkan em xapand û em anî Îdlîbê. Niha jî li Îdlîbê wê me bifiroşe. Berê di navbera me û Kurdan de tu kêşe tunebû. Em û Kurd dost û birayên hev bûn. Lê Erdogan em kirin dijminê hev. Kurd niha li Sûriye û li hemberî me çi bikin, mafê wan e. Em ne xerîbê van polîtîkayên Erdogan in. Polîtîkaya Osmaniyan a 400 salan, niha jî Erdogan dixwaze bidomîne.”
‘BAWERIYÊ BI TIRKAN NEYNÎN’
Di dawiya qeyda deng de çete poşmaniya xwe diyar dike û dibêje ku ‘Tu carî baweriyê bi Tirkan neynin. Ji ber ku Tirk ji Ereban re dibêjin ‘hûn pîs’in.”