Nobeda Edaletê ya Emîne Şenyaşar ku hevjîn û 2 kurên wê di 14’ê Hezîrana 2018’an de li navçeya Pirsûsê ya Rihayê ji aliyê parazvan û xizmên parlamenterê AKP’ê yê berê Îbrahîm Halîl Yildiz ve hatin qetilkirin, dewam dike.

Dayik Şenyaşar tevî kurê xwe Parlementerê Partiya Wekhevî û Demokrasiyê ya Gelan (DEM Partî) yê Rihayê Ferît Şenyaşar re di roja 115’an de  lil ber Wezareta Edaletê ya Tirk Nobeta Edaletê berdewam kir. 

Endam û rêveberên Alinterî, Partiya Saadet û Partiya Emek (EMEP) yên navçeya Çankaya serdana Emîne Şenyaşar kirin.

Nûnera Enqereyê ya Alinteriyê Zarîfe Çamalan li vi axivî û got: “Daxwazek mafdar ya dayika Emîne heye; dixwaze berpirsên komkujiyê ji aliyê edaletê ve bên darizandin û mehkûm kirin. Ev daxwaz, daxwaza hemû dayikên ku dilên wan dişewite ye. Em ê jî heta daxwaza dayika Emîne pêk were piştgirî bidin têkoşîna wê ya edaletê.”