Operasyonên qirkirina siyasî yên desthilatdariya AKP-MHP'ê yên li dijî gelê Kurd dewam dikin.

Di çarçoveya lêpirsîna Serdozgeriya Komarê ya Edeneyê de 14'ê Hezîranê di operasyonên qirkirina siyasî de 7 kes hatin destgîrkirin.

Kesên hatin destgîrkirin bi beşdariya li çalakiyên di dema zarokatiyê de hatin sûcdarkirin.

Dozgeriyê ew sûcdar kir ku di navbera salên 2011 û 2014'an de tevlî çalakiyên civakî bûne û îdîa kir ku "Bi navê rêxistinê çalakî kirine" û xwest bên girtin.

Dadgeriyê jî bi heman sûcdariyê biryara girtina 5 kesan da. 2 kes jî bi şertê 'kontrala edlî' hatin berdan.

Li bajêr di nava du hefteyên dawî de 17 kes ji ber di zarokatî de tevlî çalakiyên civakî bûne hatin destgîrkirin û 12 ji wan hatin girtin.