Tevî Hevserokê Giştî yê BDP’ê Selahattîn Demîrtaş 5 jê BDP’yî, bi giştî bi daxwaza rakirina mafê destnedana parlementeran derbarê 8 parlementeran de fezleke ji Meclîsê re hate şandin.

Fezlekeyên derbarê Hevserokê Giştî yê BDP’ê Selahattîn Demîrtaş, Cîgirê Serokê Koma BDP’ê û Parlementerê Çewlikê Îdrîs Baluken, Parlementerê BDP’ê yê Rihayê Îbrahîm Bînîcî, Parlementera BDP’ê ya Êlihê Ayla Akat Ata, Alîkarê Serokê Giştî yê CHP’ê û Parlementerê Stenbolê Umut Oran, Parlementerê CHP’ê yê Erdexanê Ensar Ogut, Parlementerê AKP’ê yê Qersê Yunus Kiliç de hatin amadekirin ji Meclîsê re hatin şandin. Di nava van dosyayan de 3 dosyayên derbarê Parlementerê BDP’ê yê Wanê Ozdal Uçer de hene.

Bi vî awayî hejmara dosyayên ku ji bo rakirina mafê parlementeran hate meclîsê gihişt 892 û piraniya wan jî ên BDP’ê ne.