Pîrozbahî ji aliyê Navenda Civaka Demokratîk a Kurd (NCDK), Tevgera jinên Kurd li Ewropayê (TJK-E), saziyên Êzidiyan û saziyên din ên Kurdan ve hatin organîzekirin.

DÛÎSBÛRG: Li bajarê Dûîsbûrgê, bi pêşengiya Meclîsa Jinê ya Şehîd Asya Yuksel pîrozbahiyek li NCDK hate lidarxistin û zêdeyî 300 Kurdistanî tevlî bûn. Ji Meclîsa Jinê Besra Ûzûn di destpêkê de axivî û piştre li ser navê TJK-E Medya Botan peyivî. Botan diyar kir, bi saya têkoşîna azadiyê ya Ocalan, Kurdistan îro azad dibe û ji bo referandûma 16'ê Nîsanê jî banga dayina dengê 'NA' kir.

HEÎDEKREÎS: Li bajarê Heîdekreîsê, Meclîsa Jinê ya Arîn û mala Êzidiyan a Heîdekreîsê, rojbûna Rêberê Gelê Kurd Abdullah Ocalan pîroz kirin. Gelek kes tevlî pîrozbahiyê bûn û beşdaran li ber stranên hunermendên herêmî govend gerandin.

EMMERÎCH: Li bajarê Emmerîchê, Meclîsa Emmerîch-Kleveyê bi çalakiyekê rojbûna Ocalanl pîroz kirin. Hevserokê Meclîsê Şafî Dag li vir axivî û diyar kir, rojbûna Ocalan roja vejîneke Nû ya li Kurdistan û Rojhilata Navîn e.

HAMBÛRG: Pêkhateyên Meclîsa Jinê ya Rojbîn, li Hambûrgê 4'ê Nîsanê pîroz kirin. Pîrozbahî li NCDK hate lidarxistin û Koroya Zarokan a Wînsen-Lûhe derket ser dikê. Qisekeran jî bal kişandin ser girîngiya jiyana Ocalan ji bo gelê Kurd. Piştre sînevîzyonek hate nîşandan.

DUSSELDORF: Pîrozbahiya li bajarê Dusseldorf ê Elmanyayê ji aliyê Însiyatîfa Jinê ya Dusseldorfê, komunên jinan ên Neûss, Krefeld, Grevenbroîch, Monchengladbach û NCDK ên Dusseldorf û Grevenbroîchê ve hate orgazekirin. Aktîvîsta TJK-E Zîlan Serhed li vir axivî û got, "Azadiya Rêberê me azadiya Kurdsitanê ye. Ji ber vê yekê, wezîfeya me hemûyan e ku ji bo azadiya Rêberê xwe têbikoşin." Di pîrozbahiyê de bal hat kişandin ser referandûma 16'ê Nîsanê û ji hemû hilbijêran hat xwestin, ku berî li benda roja dawî bimînin, yekser biçin dengê xwe bidin.

BERLÎN: Pîrozbahiya li paytext Berlînê ji aliyê Meclîsa Jinê ya DESTDAN ve hat organîzekirin û tevî nûnerên NAV-DEM û PYD-Berlîn zêdeyî 150 kes tevlî bûn. Beşdaran gotin, dîlgirtina Ocalan dîlgirtina jinan e. Koroya Zarokan a NAV-DEM Berlînê jî stranên xwe yên li ser rojbûna Ocalan got.

HAGEN: Meclîsa Jinê ya Fîdan a Hagenê, li komeleya NCDK bi coşeke mezin 4'ê Nîsanê pîroz kir. Li dû nîşandana sînevîzyonê, beşdaran li ber stranan govend gerandin.

MANNHEÎM: Li bajarê Mannheîmê, Meclîsa Jinê ya Ronahî û Bêrîvan li Navenda Civaka Demokratîk a Kurd pîrozbahî organîze kir. Pîrozbahî bi gerandina govendê heta derengiyê dewam kir.

HEÎLBRONN: Rojbûna Rêberê Gelê Kurd Abdullah Ocalan li bajarê Heîlbronnê jia liyê Meclîsa jinê ya Sevê Demîr ve hat pîrozkirin. Nûnera TJA-A Delal Rûber li vir axivî û qala têkoşîn û jiyana Ocalan kir.

FREÎBURG: Pîrozbahiya li bajarê Freîbûrgê jî ji aliyê Meclîsa Jinê ya Nûda ve hate organîzekirin û zêdeyî 200 kes tevlî bûn. Beşdaran li ber stranên Şivan Rojava govend gerandin.

KASSEL: Kurdistaniyên li bajarê Kasselê dijîn, sala 68'an Rêberê Gelê Kurd Abdullah Ocalan pîroz kirin. Bi sedan kes tevlî pîrozbahiyê bûn û li ser jiyana Ocalan sînevîzyon hate nîşandan. Pîrozbahî bi gerandina govendê qediya.