Îro 14’emîn konferansa giştî ya Partiya Jiyana Azadî ya Kurdistan (PJAK), li Navenda Civaka Demokratîk ya Den Haag li Hollanda hate lidarxistin.

Konferans bi sirûda neteweyî Ey Reqîb û bi rêzgirtina ji bo bîranîna şehîdên têkoşîna azadiyê dest pê kir.

Nûnerê PJAK’ê rêzdar Hecî Ehmedî axaftina destpêkê kir û bi kûrahî û berfirehî rewşa siyasî û civakî ya li çar aliyên Kurdistanê nirxand.

Piştre nûnerê PYD-Hollanda, endamê Komîteya Yekîtiya Niştîmanî li Hollanda û endamê Birê Demokrasî Gel mafê axaftinê  wergirtin û pîrozbahî û piştgiriya xebata PJAK’ê îfade kirin.

Piştî navberê, berpirsyara Tevgera Jinên Azad ya Hollanda Zozan Serhed, giringî û taybetmendiya şoreşa Kurdistanê ya ser xeta birêz Ocalan ji beşdaran re rave kir û li hemberî desthilatdarên ku tu nasnameyên gelan qebûl nakin, banga hişyariyê kir.

Dûre ji bo ku beşdar fikr û ramanên xwe îfade bikin û pirsan ji rêzdar Hecî Ehmedî bikin mafê axaftinê hate dayîn.