Fermandariya Giştî ya YBŞ’ê nasnameya şervanê xwe Ezîz Salih Xelo bi nasnav Egîd Şengalî ku di êrîşa 19’ê Mijdarê ya li Xanesorê de birîndar bûbû û li nexweşxaneyê şehîd bû eşkere kir.

Fermandariya YBŞ’ê sersaxî ji malbata şehîd Egît û Êzidî hemûyan re xwet û got wê tola şehîdên wan li erdê nemîne û xak û gelê xwe biparêzin.

Fermadariyê ev agahî parve kir:

“19’ê Mijdarê saet derdorî 10:30’î balafirên keşfe yên bê mirov û bi çek (SÎHA) yên Tirk Xanesorê bombe kir. Di bomberdûmanê de 5 hevrêyên me birîndar bûn. Ji hevrêyên me yên birîndar Egîd 20’ê Mijdarê li nexweşxaneyê dema dihate dermankirin şehîd bû.

Em YBŞ di serî de ji malbata Şehîd Egîd û hemû gelê xwe yê Êzidî re sersaxiyê dixwazin. Em soz didin ku wê xwîna şehîdên me li erdê nemine û têkoşîna wan bigihînin serketinê.

Ev êrîş encama hevkarî û amûrên şer ên dewleta Tirk a faşîst pêk hatiye û bi vê yekê dixwazin gelê yê ku DAÎŞ’ê bi ser nexistî qira gelê Êzidî bînin, fermanan bi sere wan bînin û xaka pîroz a Şengalê vala bikin. Aramanca esasî ya  van êrîşan ev e. Ti armancekî cuda ya vê qetlîama li gelê Êzidî, ewladên wê û hêzên parastina wê pêk anîn nîne.

Li hemberî van êrîşan bêdeng mayîn, nebûna xwedî helwest, li dijî bomberdûmanên li ser Şengalê bûna yek, li dijî dijminên gelê Kurd û Êzidî nebûna xwedî yek helwest û tevger xeflet û xiyaneta herî mezin e.

Yên ji bo xwe dibêjin em Êzidî û Kurd in, an jî partî û hêzên li ser xaka Kurdistanê dijîn, li dijî êrîşên li ser Şengalê deng dernexin, heta bi hincetên cuda cuda ketina nava hewldanan nayê pejirandin û xiyaneta herî mezin e.

Em YBŞ weke parêzvanên Şengalê û gelê Êzidî ev ne êrîşa yekem û ne ya dawî ye ku li ser me tê kirin, çawa heta niha me xaka xwe parast, em ê ji niha û şûn ve jî erka xwe ya li hember şehîd û gelê xwe bi cih bînin û bi domdarî Şengalê biparêzin. Gelê Şengalê rêya xwe hilbijartiye û zelal e. Banga me ya ji bo hikûmeta Başûrê Kurdistanê ev e, rêz ji terciha gelê Şengalê re bigirin. Li dijî her cûre êrîşan cih li gel hêza parastina gel û Şengalê YBŞ’ê bigirin û destek bikin.

Şehîd Egîd bi zanabûn û îdeolojiya azadiyê xwe kiribû yek, milîtanekî bi cesaret, fedekar û mînak ê azadiya Êzidî bû. Em ê têkoşîn û bîranînê wî ji bo xwe bikin rênîşan û di têkoşîna xwe de bidomînin.”

Nasnameya şervanê YBŞ’ê yê şehîd ketî wiha ye:

Nav û Paşnav:  Ezîz Salih Xelo Emer

Navê Dayikê: Leyla Elî

Navê Bav: Salih Xelo Emer

Nasnav: Egîd Şengalî

Cih û dîroka Şehîdbûnê: 20.11.2019