Gelê Hesekê, li ber Meclîsa Malbatên Şehîdan a Hesekê kom bû, piştî cenazeyê Şervanê YPG’ê Setam Osman (Egîd Dilgeş) wergirt, bi konvoyek wesayîtan ve birin Şehîdgeha Şehîd Dijwar a li gundê Dawidiyê.

Li vir şervanên YPJ/YPG’ê merasîmek leşkerî li dar xistin. Di merasîmê de Endamê Fermandariya YPG’ê Lewend Rojava axivî û got, “Şehîd Egîd û hevalên wî bi berxwedan û têkoşîna xwe rûmeta mirovahiyê diparêzin. Em ê tola şehîdên xwe hilînin. Em soz didin ku heta dawiyê bibin şopdarên xeta şehîdên xwe û Rêberê Gelê Kurd Abdullah Ocalan.”

Li ser navê Meclîsa Malbatên Şehîdan Fatma Hesen, li ser navê Yekîtiya Oldarên Îslamê Mele Reşîd, li ser navê Kongreya Star Şêrîn Oso û li ser navê Partiya Yekîtiya Suryaniyan Gibraîl Şemûn jî axivîn. 

Paşê sicîla şervanê YPGʹê Egîd Dilgeş ji aliyê Endama Rêveber a Meclîsa Malbataên Şehîdan Ilham Bekir ve hate xwendin û radestî malbatê hate kirin.
Di dawiya merasîmê de girseya gel cenazeyê şervanê YPGʹê Egîd Dilgeş bi dirûşmeyan spartin axê.