Rêxistina Efûya Navnetewî duh bi daxuyaniyekê biryara cezayên îdamê ya ji bo du çalakên mafê mirovan Zehra Sedîqî û Êlham Çûbdar bi tundî şermezar kir û daxwaza betalkirina lezgîn a vê biryarê kir.
Rêxistinê her wiha hinceta “fesadiya ser rûyê erdê” ya li ser wan her du jinên girtî li Girtîgeha Navendî ya Ûrmiyê sexte û çêkirî pênase kir.
Rêxistina Mafê Mirovan a Îranê jî duh bi daxuyaniyekê ragihand ku pêvajoya darazê ya Zehra Sedîqî û Êlham Çûbdar ne adilane bûye û cezayê li ser wan hatî ferzkirin li ser esasê îtîrafên bi darê zorê hatine dayîn.
Vê rêxistinê daxwaza betalkirina cezayê îdamê ya her du girtiyên jin kir û bang li civaka navnetewî kir ku li hemberî vê biryara cezayê û pêla zêdebûna rêjeya îdaman a li Îranê bertekê nîşan bidin.