Rejîma Îranê li Selmasê kolberek din qetil kir
Rejîma Îranê li herêma Selmas a Ûrmiyê ya Rojhilatê Kurdistanê êrîş bire ser kolbaran, kolberê bi navê Ferzad Sedûnzade yê bavê 3 zarokan qetil kir.
Êrîşên hêzên rejîma Îran yên ser bi kolberan dewam dike, hema bêje rojane kolber tên kuştin û birîndar kirin.
Li gorî nûçeya Kolbernewsê li herêma Selmas a ser bi parêzgeha Urmiye ya Rojhilatê Kurdistanê, hêzên rejîma Îranê êrişî komek kolber kirin. Di encama êrîşê de kolberê bi navê Ferzad Sedunzade yê xelkê gundê Kuzereş ya ser bi Selmas a Urmiyeyê ku bavê 3 zarokan bû hatiye qetilkirin.
