Rejîma Îranê ya ku dixwaze gelê Rojhilatê Kurdistanê bi birsîbûnê terbiye bike, 22’yê Hezîranê Kurdeke ku li ser sînorê Rojhilat û Bakur bazirganî dikir qetil kir.

Li gorî agahiyên Rêxistina Mafê Mirovan a Rojhilatê Kurdistanê dayî, welatiyê bi navê Mûrad Arabî (32) salî yê ji Rojhilatê Kurdistanê ku ji Gundê Ebne yê girêdayî Ûrmiyeyê ye, ji aliyê hêzên rejîma Îranê ve li ser sînorê Rojhilat-Bakur hatiye qetilkirin. Hat diyarkirin ku Arabî hevjînbûye û xwediyê 2 zarokane.

Rejîma Îranê hefteya bihurî li ser sînorê Serdeştê Kolberê bi navê Sîrwan Ezîzî qetil kiribû.