Şûbeya Amedê ya Komeleya Mafê Mirovan (ÎHD) ji bo salvegera qeyûmên ku hatin ser şaredariyên Kurdsitanê daxuyaniyeke niviskî da.

Di daxuyaniyê de hate diyarkirin bi Rewşa Awarte re û piştî wê mafê hilbijartin û hilbijêrbûnê bi rengekî fiîlî ji holê hatiye rakirin û li nav civakê sehw hatiye çêkirin û hate gotin jiholêkirina mafê hilbijartin û hilbijêrbûnê sala 2016'anbi şandina qeyûm a li ser 95 şaredariyên DBP'ê dest pê kiriye.

Di daxuyaniyê de her wiha hate bibîrxistin ji hilbijartina 31'ê Adara 2019'an û wir ve li gel ku hatine hilbijartin bi hinceta ku BHQ'yî ne mazbata nedane 6 hevşaredaran û her wiha mazbate nedane 51 endamên Meclisa Şaredariyê û 4 endamê Meclîsa Giştî ya Bajêr.

Bi berdewamî hate gotin bi îdîayên cihê 49 şaredar ji peywirê hatine standin û qeyûm li şûna wan hatine danîn û 31 şaredar hatine girtin.

ÎHD'ê her wiha got hevşaredarên jin ku bi vîna gel hatibûn hilbijartin ji peywirê hatine standin û li şûna wan qeyûm hatine danîn.