Nûnertiya PYD’ê ya Silêmanî komkujiya şeva Newrozê ya li navçeya Cindirêsê ya Efrîna dagirkirî şermezar kir û bang li Konseya Ewlehiya Navneteweyî kir ku li dijî dewleta Tirk a dagirker xwedî helwest be.
Nunertiya Partiya Yekitiya Demokratîk (PYD) li Silêmaniyê komkujiya di roja 21’ê Adarê ya li Cindirêsê ya di bin dagirkeriya çeteyên girêdayî dewlet Tirk de ye bi daxuyaniya çepemeniyê şermezar kir.
Daxuyanî ji aliyê Nûnerê PYD’ê Cavîdan Kemal ve hate dayîn. Kemal komkujiya li ser Kurdan şermezar kir û got: “Em bang li Konseya Ewlekariya Navneteweyî dikin ku berpirsyariyên xwe yên herêmê bi cih bînin û rêgirtiyê li dagirkeriya li dewleta Tirk û çeteyên wê yên li Efrîn, Girê Spî, Serêkaniyê û herêmên din ên Sûriyeyê didomin bîne, bikevin nava tevgerê.”
Nûnerê PYD’ê Cavîdan Kemal piştrast kir ku heta herêm û bajarên wan ên ji aliyê deweleta Tirk a dagirker ve hatine dagirkirin neyên rizgarkirin wê têkoşîna xwe bidomînin.
Hêjayî bibîr xistinê ye ku dewleta Tirk a dagirker û çeteyên wê, li navçeya Cindirês a Efrînê, 4 Kurdên ku xwest agirê Newrozê dadin, qetil kiribûn.
