Emîne Şenyaşar ku 14'ê Hezîrana 2018'an li navçeya Pirsûsê ya Rihayê hevser û du kurên wê ji aliyê xizmên wekîlê AKP'ê Îbrahîm Halîl Yildiz ve hatin qetilkirin, tevî kurê xwe Ferît Şenyaşar ê di heman êrîşê de birîndar bû, ji 9'ê Adara 2021'ê û vir ve li ber Edliyeya Rihayê çalakiya nobedê dike.

Ji ber ku dawiya hefteyê edliye girtî ye, malbata Şenyaşar di roja 629'an a Nobeda Edaletê de li mala xwe ya li Pirsûsê çalakiya xwe dewam kir.

Li ser hesabê medya dîjîtal ê malbata Şenyaşar peyamek hate dayin û hate gotin, "Kê kiribe, divê em li ber neheqiyê rabin. Tevî her tiştî jî em ê xwe bêhêvî nekin."