Li Tendûrekê bomberdûman
Artêşa Tirk ji ber ku li wê derê têk çûye Çiyayê Tendûrekê bomberdûman dike.
Artêşa Tirk ji ber ku li wê derê têk çûye Çiyayê Tendûrekê bomberdûman dike.
Herêma Tendûrekê ya di navbera Bazîd û Diyadina Agiriyê û Bazîdaxa Wanê de ye, tê bomberdûmankirin. Bi mehan e li herêma tevgera hewayî heye û di destê sibehê de qada Girê Nêriya, Şikeft û Şehîdê ji aliyê helîkopteran ve tê bomberdûmankirin. Bomberdûman ji gundên Tutek, Kurteka û Mîrzecanê tê dîtin û ji herêmê dû bilind dibe.
Li gorî agahiyên ku ji kesên li herêmê hatine wergirtin, 3 roj in bi sedan leşker li Gundê Tutek, Goma Hecî Xalis û qada Girê Şehîdê de ne. Leşker li ser rêya ku diçe qada tê bomberdûmankirin, rêya Emîn Albay a ji gundê Tutekê diçe zozanan û a ku diçe qada Şehîdê xendekan dikole.
DI TÊKETIN Û DERKETINÊ DE KONTROL TÊ KIRIN
Hemwelatiyên ku ji gund û zozanan tên, di têketin û derketinê de rastî kontrolkirinê tên.
Di mehên dawîn de artêşa Tirk li Tendûrekê derbên giran xwar. Gerîla TV dîmenên çalakiya li dijî koordîneya operasyonê jî weşandibû.