Li Kelarê wesayitek qelibî: 4 xwendekar mirin, 7 jî birîndar bûn
Li herêma Germiyanê ya Başûrê Kurdistanê, li ser rêya Kelar-Kifrî wesayitek ku xwendekar tê de bûn qelibî. Di encamê de 4 xwendekaran jiyana xwe ji dest dan.
Roja Sêşemê piştî nîvro li ser rêya Kelar-Kifrî wesayitek ku xwendekarên amadeyî tê de bûn qelibî.
Li gorî agahiyên destpêkê 4 xwendekaran jiyana xwe ji dest dan, 7 xwendekar jî birîndar bûn.
Hate ragihandin ku ji xwendekarên birîndar ên rakirin nexweşxaneyê rewşa 3 ji wan giran e.
