Li Bazara Lengê ya Hewlêrê bi şev agir bi bazarê ket. Hê sedema şewatê nehatiye zelalkirin û xebatkarên îtfaiyeyê hewl didin şewatê bitefînin.

Li Bazara Lengê ya ku 2 hezar û 400 dikan hene, gelek dikan şewitîn û bûn xwelî.

Gerînendeyê emniyetê yê Hewlêrê Şiwan Ebdulqadir diyar kir ku saet di 04.00’an de agir bi bazarê ketiye û got ku, “Tiştek bi kesî nehatiye lê xisareke zêde ya maddî heye. Me nekarî em şewatê zûtir bitefînin, ji ber ku li bazarê tupên tefandinê tune. Ji ber vê jî bi derengî mudaxeleyî şewatê hate kirin.”