Li girtîgeha Wanê gardiyanan êrîşî girtiyan kirin
Li girtîgeha Wanê gardiyanan êrîşî 16 girtiyên ku li dijî guhertina odeyan derketî, kirin.
Li girtîgeha Wanê gardiyanan êrîşî 16 girtiyên ku li dijî guhertina odeyan derketî, kirin.
Li girtîgeha Tîpa T a Wanê beriya 4 rojan gargiyanan xwest odeya girtiyan biguherînin. Lê belê girtiyan nexwest odeyên wan bên guhertin. Li ser vê yekê gardiyanan êrîşî girtiyan kir û ew derb kirin.
Girtiyên bi telefonê li malbatên xwe geriyan ragihandin ku rêveberiya girtîgehê xwestiye odeyên wan biguherîne lê ji bo li dijî wê derketine, gardiyanan êrîşî wan kiriye û ew derb kirine. Hate ragihandin ku di nav girtiyên hatî derbkirin de hevşaredara Lîcê Rêzan Zugurli Ataş û Sitê Goren a 72 salî jî hene. Girtiyan ragihand ku tiliya hevşaredar Ataş li çend cihan hatiye birîn û milê Gorenê jî ji ber derbkirina gardiyanan nikare bixebitîne. Lê belê girtiyan dernaxin revîr an jî nexweşxaneyê.
Navê girtiyên li rastî êşkenceya gardiyanan hatî wiha ne: hevşaredarê Licê Rêzan Zugurli Ataş, Sitê Goren, Medya Aslan, Medya Çinar.