Xebatên HDP'ê yên ji bo referandûmê bi berfirehî dewam dikin. Bajarekî din ê ku ev xebat lê bi xurtî dimeşe Erdexan e.

Di vê çarçoveye de Parlamenterê HDP'ê yê Îdirê Mehmet Emîn Yildirim, Parlamenterê HDP'e yê Serdema 25. ê Erdexanê Taşkin Aktaş, endamên Desteya Rêveberiya Navendî ya HDP'ê û rêveberên partiyê gundên navçeya Golanê ziyaret kirin.

Heyeta HDP'ê di çarçoveya vî karî de kargeh û mal ziyaret kir û bi gundiyan re sohbet kir.

Parlamenterê HDP'ê yê Îdirê Yildirim diyar kir, tevî hemû astengî û zextan jî wê dengekî xurt ê NA ji Erdexanê bilind bibe.