Li Elbakê gerîlayan li dijî wesayîta leşkerî çalakî lidarxist
Gerîlayên HPG’ê li navçeya Elbak a Wanê li dijî wesayîta leşkerî ya tîpa Reo çalakiyek lidarxist.
Navenda Ragihandin û Çapemeniyê ya HPG’ê ragihand ku çalakiya li Wanê di 8’ê Hezîranê de pêk hatiye.
HPG; “Roja 8’ê Hezîranê saet 13:00’an hêzên me li nêzî qereqola Mendinê ya navçeya Elbak a Wanê li dijî wesayîta leşkerî ya tîpa reo çalakiyek lidarxist. Wesayitê derbeke serkeftî xwar. Di çalakiyê de hejmara kuştî û birîndarên dijmin nehate tespîtkirin.”
Navenda Ragihandin û Çapemeniyê ya HPG’ê têkildarî operasyona li bejahiya Colemêrgê ev agahî parve kir;
“Roja 6’ê Hezîranê artêşa TC'ê ya dagirker li herêma Kato Marîno, Geliyê Marînos û Mezra Marînos yên Colemêrgê operasyonek da destpêkirin. Heman rojê 2 helîkopterên atak yên girêdayî dagirkeran saet 18:00’an de herêm bi giranî bombeberan kir. Roja 8’ê Hezîranê saet 06:00’an de artêşa TC'ê ya dagirker bi helîkoperên skorsky leşker li herêmên Geliyê Marînos, Mezra Marînos û Çele Cengê bicih kir. Operasyona li herêmê hê didome”.
