Yekîneyên Tolhildanê yên Şehîd Têkoşer Dijwar li dijî wesayîta zirxî ya bi tîpa Ûral a li taxa Şilbe ya Yenîşehîrê ya Amedê dewriye digerand, bi molotof û EYP'ê çalakiyek li dar xist.

Di daxuyaniya der barê çalakiyê de hat gotin, "Polîsên Tirk ên faşîst ketine panîkê û bi gule li derdorê reşandin. Di encama çalakiyê de yekîneyên me bi selametî ji qada çalakiyê derketin."

Di berdewamiya daxuyaniyê de wiha hate gotin:

“Rewşa şer a li Kurdistanê wê li her derê were hîskirin û dengê wê li her derê were bihîstin.

Wezîfeya me ye ku em bi gerîlayên xwe yên azadiyê re bibin yek û hemû bajaran veguherînin qadên çalakiyan.

Heta ku cih û warek nemîne ku dewleta Tirk a faşîst xwe lê rehet hîs bike, em ê berxwedana xwe bênavber bidomînin. Em ê hem bersivê bidin êrîşên kîmyewî yên li dijî gerîlayê me yê azadiyê, hem tecrîda giran a li ser Rêbertî û hem jî bi zêdekirina çalakiyên xwe re em ê bersivê bidin dagirkerên TC'ê yên faşîst.

Em ê ne îro ne jî sibe dest ji têkoşîna xwe bernedin. Em ê hesta xwe ya tolhildanê her tim zindî bihêlin. Çawa ku PKK’ê weke tevgereke tolhildanê derketiye holê, em ê her tim vê fikrê bidomînin. Li ser vê bingehê em bang li hemû ciwan û gelê xwe dikin ku di vê têkoşînê de bi me re bin.”